Continua a raccogliere successi lo scrittore modicano Giovanni Rosa che ha vinto anche la XXVII edizione del “Premio NATALE Città di Tremestieri Etneo”, nella sezione “poesia dialettale”. “Una scelta semantica e compositiva conforme alla grammatica critico comparata della Sicilia Sud est modicana….” nella motivazione del premio..
La poesia “Fìggh’i mamma” era stata già segnalata a Modica al premio “E’vviva la mamma”.
Giovanni Rosa si era affermato anche nel Premio “Il cioccolato racconta” indetto dall’Associazioe “il S.O.L.C.O” con il riconoscimento del primo posto per il racconto IL CIOCCOLATO DELL’ANIMA (la mia prima volta a Modica!).
FÌGGH’I MAMMA
’Nta sta pràja ri Sampièri,
cu’ ci’ ha’ ddiri a sa matri
ca ‘u fìgghiu stiràu ’i pièri?
Nun ci su’ bracanti e latri
’nta ddi vàrchi çini çini,
ma cristiani com’a niàutri.
’A custioni è pê cunfìni:
nun c’è puòstu pê pizzenti,
sièmu assai ’i çitatìni.
Nun mmulièmu àutra gghènti!
Òra è bbiàtu supra ’n çiàncu
e sa matri ’n sapi nènti ca è cà, ’nta ’n tilu jàncu.
Comu Maria sutta ’a cruçi,
a sa Fìgghiu çinu ’i sàncu:
«Spècciu miu, fìgghiu arùçi»
sô çiancìssi a st’ùra ’a mamma
«Nun ’a sièntu ’a ta vuçi.
Si stutàu ’a ta çiàmma!»
Se ’u sapissi ca è ’nta rina,
’n cutièddu fiddiàssi l’àmma.
Sô vasàu dda matìna,
cô còri tuttu strazzàtu.
Anni avìa ’na vintina.
Vita nova s’avia fijuràtu,
sprànza avìa affunnàtu a mari
e ’nta ll’unna s’avia annijàtu.
’A nutìzia cu’ ci’ ha’ ddàri
ca òra è cà a Sampièri
e iddu ciù nun po’ parràri?
Çiàtu suou spiràu aièri.
Cu’ si lòri ’i ’n fìggh’i mamma?
Era nìuru e frustièri!